Rekordi i 100 për qind i kampionit anglez në fuqi në ndeshjet në shtëpi këtë sezon ka përfunduar pasditen e sotme (e shtunë).

Manchester City është mposhtur me rezultat 2 me 3 nga Crystal Palance në takimin e zhvilluar si nikoqir në Etihad në kuadër të xhiros së 18-të në Premierë Ligë, shkruan portali arbresh.info.

Edhe pse arritën të kalojnë të parët në epërsi duke realizuar përmes Ilkay Gundogan me kokë në minutën e 27′, ata përfunduan pjesën e parë të ndeshjes në disavantazh me rezultat 1 me 2.

Jeffrey Schulpp dhe Andros Townsend realizuan dy gola për mysafirët brenda dy minutave (33′) (35′).  Gjërat u përkeqësuan edhe më tej në fillim të pjesës së dytë kur Luka Milivojevic shënoi nga pika e bardhë për 1 me 3.

Kevin De Bruyne arriti të ngushtojë rezultatin duke shënuar vonë gjatë ndeshjes për 2 me 3.

Tani, Manchester City qëndron në pozitën e dytë në tabelë me katër pikë prapa Liverpoolit si lider i tabelës, ndërsa ka 5 pikë më shumë se Tottenhami në pozitën e tretë.

Crystal Palace me këtë fitore befasuese qëndron në pozitën e 14-të me gjithsej 18 pikë./arbresh.info/